Көз карандысыз жарандык экспертизаны колдоо
«Биздин Кылым» Коомдук Фонду — 2001-жылдан бери Кыргызстанда иш алып барган көз карандысыз уюм. Биз тышкы жардамга жана ири өнүктүрүү долбоорлоруна мониторинг жүргүзөбүз, эл аралык каржы институттарынын ишмердигин талдайбыз жана ачык-айкындуулукту, отчеттуулукту, туруктуу өнүгүүнү жана жарандык коомдун катышуусун илгерилетебиз.
Бүгүнкү күндө «Биздин Кылым» өнүгүүнүн жаңы этабына өтүп жатат — айрым долбоорлорду ишке ашыруудан уюмдун узак мөөнөттүү институционалдык дараметин чыңдоого багыт алууда.
2026–2028-жылдарга биздин максат
Биз кесипкөй команданы, аналитикалык жана санариптик инструменттерди чыңдап, Кыргызстанда жана Борбордук Азияда өнүгүүгө жана тышкы каржылоого көз карандысыз мониторинг жүргүзүүнү кеңейтебиз.
Биздин иш төмөнкүлөргө багытталган:
- өнүгүү жана тышкы каржылоо маселелери боюнча көз карандысыз талдоо жана далилдерди даярдоо;
- ири өнүктүрүү долбоорлорунун ачык-айкындуулугун жана отчеттуулугун жогорулатуу;
- чечим кабыл алуу процесстерине жарандык коомдун мазмундуу катышуусун илгерилетүү;
- тышкы каржылоонун коомдук кызыкчылыктарга жана туруктуу өнүгүүгө тийгизген таасирин мониторингдөө;
- системалуу өзгөрүүлөрдү илгерилетүү үчүн маалыматтарды жана коомдук көзөмөлдү пайдалануу.
Эмне үчүн институционалдык колдоо маанилүү
Көз карандысыз мониторинг туруктуу кесиптик жана уюштуруучулук мүмкүнчүлүктөрдү — адистердин командасын, аналитикалык ишти, санариптик инструменттерди, маалыматка жеткиликтүүлүктү жана мамлекеттик органдар, эл аралык каржы институттары жана жарандык коом менен системалуу иштөө мүмкүнчүлүгүн талап кылат.
Ошондуктан биз айрым иш-чараларды гана каржылоону эмес, уюмдун көз карандысыздыгын сактоого, экспертизасын өнүктүрүүгө жана туруктуу өзгөрүүлөр үчүн системалуу иш алып барууга мүмкүндүк берген узак мөөнөттүү институционалдык өнөктөштүктү издейбиз.
Өнөктөштүккө ачыкпыз
Биз көз карандысыз жарандык экспертизаны, ачык-айкындуулукту жана коомдук отчеттуулукту чыңдоого кызыкдар фонддор, эл аралык уюмдар жана башка өнөктөштөр менен кызматташууга даярбыз.
Узак мөөнөттүү институционалдык өнөктөштүктүн жана уюмдун өнүгүүсүн колдоонун мүмкүнчүлүктөрүн талкуулоого кубанычта болобуз.